外掛人士,請珍惜巨商

天下乂無雙

今次個活動搞到我對官方好_失望,成個活動好似俾外掛玩咁
成條大街都係外掛.....我地點玩?

外掛佬要搵錢,OK我明白GA.....咁你地可以升兵/打任料黎賣俾玩家
其實你地就算係咁打野賣NPC都搵唔少啦??
唔好搞到全部你地包起哂黎做掛.....
起碼留番幾樣寶/料 俾我地D正常玩家自己打
我一個普通玩家已經唔係話想搵大錢...只係想享受一下打寶GA樂趣....

我地玩得巨商GA 差唔多個個都係出左黎做野,有經濟能力
巨商要長久生存,一定要有新人入,老手回歸.....
咁先可以有足夠人買點數去延續巨商GA壽命
唔該你地D外掛佬就算要搵錢,都諗下再咁搞落去,巨商仲可以玩幾耐....
農夫都要識輪耕,休耕....斬完樹都要種番
咁先可以永續
好好地一個港巨已經俾你地搞到半死....
係咪台巨都要搞死埋

你地外掛佬唔該自己團又好 開個GROUP又好   傾下點樣留番小小空間俾玩家
例如:晚上12後先開外掛 OR 留番1~2樣寶物俾玩家自己打黎玩下

PS:可能你地覺得我支持緊外掛存在,但我係絕對唔支持,只係明白到外掛會永遠唔會死
ANYWAY 都係廢UP   我知道外掛佬都係唔會理
巨商條命都係咁大.....

天下乂無雙

如果隻隻game都揾到錢
可唔可以去搞其他game....巨商好多人都有十幾年感情